Do not give up / لا تيأس

                                                   

                                             لا تيأس / Do not give up 

 اوقات كتير الواحد بيحس انه ياس من الحياة وخلاص مش قادر يكمل ، وبيحس انه لوحده ويفضل يقول لنفسه هستفاد ايه لما اكمل ؟؟؟؟، ده ساعتها تفكير من الشيطان بيحاول يحبطك ويخليك تياس وتفتكر انها خلاص معادتش فارقة ، بس ده غلط مهما كانت الحياة صعبة لازم نكمل حتى لو موصلتش لحلمك كل يوم بيجيلك حلم تانى يمكن احلى منه ، بس المهم منياسش ونكمل ومنقعش فى فخ الشيطان ، ولازم نخلى فى بالنا ان كل لما نتعب ربنا هيدينا اللى احنا عايزينه ، ولو لقدرالله محصلتش حلمك فاساعتها اعرف ان ربنا شايلك الاحسن والافضل ليك خلى املك كبير فى ربنا فقد قال سبحانه ....(إن الله مع الصابرين ) ،  بس لازم تعافر وتتعب وتبذل كل مجهودك علشان توصل لهدفك ، الحياة من غير هدف ومن غير سعى ورا حاجة  عايز تحققها ملهاش اى طعم ولا حلاوة دايما هتحس ان ناقصك حاجة ، جرب كده تقعد اسبوع او اثنين من غير ماتشتغل او تبذل مجهود فى اى حاجة هتحس ان ملكش اى لازمة فى الحياة ده غير الكسل والارهاق اللى واحد بيحس بهم دائما ، جرب وصدقنى لما تدوق طعم النجاح مش هتفتكر اى تعب تعبته خالص ، وهتكون حياتك كلها سعى ونجاح ، تخيل معى ياصديقى ومتقولش خيال ، من غير وجود الخيال مكانتش الاحلام اتحققت ، لازم تثق دايما انك تقدر تنجح وتحقق المستحيل كمان  ، اللى عملوا المستحيلات وبقوا من اغنياء العالم بدأو من اقل الحاجات واقل الامكانيات  وشوفهم دلوقتى بقى عاملين ازاى ، فا انت تفرق عنهم ايه بقى ؟؟ ، ده ممكن تكون احسن منهم كمان بس حط الهدف قدام عينك وواظب فى الاستمرار عليه ، اهم حاجة الاستمرارية خلى عزيمتك قوية مش من اول يوم تتعب تقول خلاص لا ، لازم تصبر اسيوع وتلاته اوحتى سنة مش مهم قد ايه حتى لو بعد عشر سنين بس كون متاكد لانك تعبت هتلاقى النتيجة اللى عايزها ان شاء الله  ، قوم دلوقتى وارسم خطتك للمستقبل واثبت للعالم كله انك مش اقل من اى حد ، بالتوفيق للجميع 💜

                                                                                                                              الكاتبة / الابتسامة